भुसावळ-नाशिक लोकलला ठेंगा
Maharashtra Times | Sep 27, 2016, 04.00 AM IST
Whatsapp Facebook Google PlusTwitter Email SMS
AAA म. टा. प्रतिनिधी, नाशिक
भुसावळ- नांदगाव- नाशिक ही लोकल एक महिन्यात सुरू होणार असल्याची माहिती मध्य...
more... रेल्वेच्या भुसावळ विभागाचे व्यवस्थापक (डीआरएम) सुधीरकुमार गुप्ता यांनी मागील वर्षी याच दिवशी पत्रकार परिषदेदत भुसावळ येथे दिली होती. मात्र अद्यापही या लोकलला मुहूर्त लागला नसून ती सुरू न झाल्याने लोकांमध्ये नाराजीचा सूर आहे. तसेच, ही लोकल नक्की कधी सुरू होणार याबाबत संभ्रमच आहे.
पत्रकार परिषदेत ही माहिती देताना मध्य रेल्वेच्या अधिकाऱ्यांनी कोणत्याही तांत्रिक बाबींची सत्यता पडताळून न घेतल्याने त्यांना हा निर्णय मागे घ्यावा लागला. ही लोकल सेवा भुसावळ-नाशिक लोकलसेवा सुरू करण्यासाठी तांत्रिक चाचपणी सुरू करण्यात आली होती. या लोकलसेवेबाबत चालक व कर्मचाऱ्यांनी मुंबईत प्रशिक्षणही देण्यात आले होते. ही लोकलसेवा कुंभमेळ्याच्या काळातच सुरू होणार होती. मात्र, एक वर्ष होऊनही ती सुरू झाली नाही. यापुढे ती सुरू होईल, असे काहीही चिन्ह दिसत नाही.
अप-डाऊन करणाऱ्यांची सोय
भुसावळ-नाशिक ही लोकलसेवा सुरू झाली असती तर भुसावळसह जळगाव, पाचोरा, चाळीसगाव, नांदगाव, मनमाड येथे थांबा घेणार होती. नाशिकसह धुळे जळगाव जिल्ह्यातील अप-डाऊन करणाऱ्या सुमारे साडेतीन हजार प्रवाशांची सोय झाली असती. ही लोकल भुसावळ येथे दाखलही झाली होती. तांत्रिक चाचणीनंतर ती प्रवाशांच्या सेवेसाठी सज्ज होईल अस आशा होती मात्र ती फोल ठरली. भुसावळ नाशिक मार्गावर ट्रॅफिक जास्त असल्याने या मार्गावर ही लोकल सुरू होऊ शकत नाही असे रेल्वेच्या अधिकाऱ्यांचे म्हणणे आहे.