గుంతకల్లు: గుంతకల్లు రైల్వే డివిజన్‌ పరిధిలోని వాడి రైల్వేస్టేషన్‌లో నిలిపి ఉన్న విద్యుత్‌ రైలింజన్‌ దానంతట అదే రైలు పట్టాలపై పద్నాలుగు కిలోమీటర్లు వెనుకకు వెళ్లిన ఘటన బుధవారం చోటు చేసుకుంది. చెన్నై నుంచి ముంబైకి బయల్దేరిన మెయిల్‌ ఎక్స్‌ప్రెస్‌ రైలుకు గుంతకల్లులో విద్యుత్‌ లోకోను అనుసంధానం చేసి పంపారు. వాడి నుంచి ముంబై వెళ్లేందుకు విద్యుదీకరణ చాలినంత లేకపోవడంతో రైలుకు చెందిన విద్యుత్‌ లోకోను తొలగించి డీజిల్‌ లోకోను అనుసంధానించారు. ఈ సమయంలో సాంకేతిక లోపం కారణంగా వాడి స్టేషన్‌లో నిలిపి ఉన్న విద్యుత్‌లోకో నాల్వార్‌ రైల్వేస్టేషన్‌ వరకు పరుగుతీసింది. ఆ సమయంలో అదే లైనులో మరే రైళ్లు రాకపోవడంతో ఎలాంటి ప్రమాదం సంభవించలేదు. జరిగిన సంఘటనపై వెంటనే విచారణ జరిపి నివేదికను అందజేయాలని డీఆర్‌ఎమ్‌ విజయప్రతాప్‌ సింగ్‌ శాఖ అధికారులను ఆదేశించారు.

Temporary Stoppage to various trains at Nalwar Station On the Eve of Sri Kori Siddeswar Jathara Mahotsava @RailMinIndia